ქათმის ფრთები ტკბილ-ცხარე სოუსით (+ვიდეო)

ნახევარი კილო ქათმის ფრთები კარგად გავასუფთაოთ. დავჭრათ და მოვათავსოთ ღრმა ჭურჭელში.

იმბირი, პაპრიკა, დაფქული ნიორი, სოიოს სოუსი, კარტოფილის სახამებელი, მარილი და კვერცხის ცილა დავამატოთ ქათმის ფრთებს, კარგად შევაზილოთ და გავაჩეროთ მინიმუმ 1 საათი.

ქათმის ფრთები შევწვათ გაცხელებულ ზეთში ორივე მხრიდან. ზეთი ნახევრად უნდა ფარავდეს ხორცს. როდესაც ორივე მხრიდან გახდება ოქროსფერი, დავდოთ მშრალ ხელსახოცზე, ზედმეტი ცხიმები მოვაშოროთ და შევდგათ ღუმელში დაახლოებით 15-20 წუთი, 150 გრადუსზე. რომ დაწითლდება, მზადაა.

მოვამზადოთ სოუსი - ტაფაზე დავასხათ 5 ს/კ სოიოს სოუსი, დავამატოთ 3 ს/კ ყავისფერი შაქარი, 1 ს/კ სეზამის მარცვლები (შეგვიძლია, სეზამის მარცვლები ბოლოსაც მოვაყაროთ), 1 ს/კ ძმარი, 1 არასრული ს/კ თაფლი და წიწაკის მარცვლები გემოვნებით. სოუსი წამოვადუღოთ და ჩავყაროთ შემწვარი ფრთები.