შოკოლადის ბურთები ქოქოსით

პირველ რიგში, გაალღვეთ კარაქი. შემდეგ საშუალო ზომის თასში ჩაყარეთ შვრია, დაუმატეთ დამდნარი კარაქი, შაქარი, კაკაო, ხსნადი ყავა, კონიაკი, წყალი და კარგად მოზილეთ. მიღებულ მასას დაუმატეთ გატარებული თხილი ან ნიგოზი, ვანილი და განაგრძეთ მოზელვა, სანამ არ მიიღებთ შეკრულ ცომს.

მიღებული ცომი ოთახის ტემპერატურაზე 15 წუთით გააჩერეთ, შემდეგი 15 წუთი კი საყინულეში მოათავსეთ. საყინულედან გამოღების შემდეგ, ცომი კოვზით განაცალკევეთ ერთმანეთისგან, რათა მარტივად ამოსაღები გახდეს.

მიღებული ცომისგან გააკეთეთ პატარა, მრგვალი ბურთები, შემდეგ კი, ისინი ქოქოსის ფანტელში ამოავლეთ. დაალაგეთ ფორმაზე და შედგით საყინულეში 2 საათით.